Вечар прэм’ер

Фестываль новай камернай музыкі беларускіх кампазітараў «Трамантана IX» вяртаецца ў Мастацкі музей з новай канцэртнай праграмай «Вечар прэм’ер»!

З 2015 года музычны праект служыць галоўнай платформай для смелых гукавых эксперыментаў і адкрыццяў кампазітараў XXI стагоддзя.

29 кастрычніка на ўрачыстым адкрыцці фестывалю ў Нацыянальным мастацкім музеі Рэспублікі Беларусь прагучаць унікальныя прэм’еры, музычныя творы сучасных беларускіх аўтараў, членаў Беларускага саюза кампазітараў. Сваё майстэрства і бачанне музыкі новага часу прадставяць выкладчыкі і студэнты Беларускай дзяржаўнай акадэміі музыкі.

• 29 кастрычніка (чацвер), 18:00
• галоўны корпус (сяродкрыжжа), вул. К. Маркса, 24
• уваход па квітку ў музей