20 чэрвеня спаўняецца 95 гадоў з дня нараджэння Гаўрыіла Харытановіча Вашчанкі (1928 – 2014), беларускага савецкага жывапісца, народнага мастака БССР, заслужанага дзеяча мастацтваў БССР, прафесара, лаўрэата Дзяржаўнай прэміі Беларусі.
Майстар працаваў у галіне станковага і манументальнага жывапісу, акварэлі, у жанрах сюжэтна-тэматычнай карціны, партрэта, пейзажа і нацюрморта. У сваіх творах звяртаўся да тэм глыбокага інтэлектуальнага пазнання свету, любві да радзімы, шэраг карцін ён прысвяціў падзеям мінулага і гістарычным асобам.
Гледзячы на творы Гаўрыіла Вашчанкі, хочацца вярнуцца да вытокаў архаічнага разумення святла, дабра, чысціні, да каранёў нашай духоўнасці.
Персанальная выстава Г. Х. Вашчанкі, прысвечаная 95-годдзю з дня нараджэння мастака, адбудзецца ў Мастацкім музеі ў снежні 2023 года.
