Artist-talk з Вадзімам Качаном

Запрашаем на сустрэчу з беларускім фатографам Вадзімам Качаном у рамках часовай экспазіцыі “Выбранае: жывапіс, графіка, скульптура з калекцыі Нацыянальнага мастацкага музея Рэспублікі Беларусь”!

Вадзім Аркадзьевіч працуе ў шырокім дыяпазоне жанраў: партрэт, бытавая і рэпартажная фатаграфія, ню, нацюрморт, інтэр’ер, канцэптуальная фатаграфія і гарадскі пейзаж. У творчасці апошняга дзесяцігоддзя аўтар прытрымліваецца прынцыпу спалучэння класічнай чорна-белай фатаграфіі і найноўшых лічбавых тэхналогій.

У рамках сустрэчы фатограф раскажа пра сябе і сваю творчасць. У жадаючых будзе магчымасць атрымаць адказы на пытанні.

• 7 лістапада (субота), 17:00
• выставачны корпус № 2, пр. Незалежнасці, 47
• па ўваходным білеце ў музей
• 18+