Дэлегацыя Чжэцзянскага ўніверсітэта замежных моў наведала Мастацкі музей

Госці пазнаёміліся з музеем, яго калекцыямі і напрамкамі работы. Сустрэча стала яшчэ адным важным крокам у развіцці міжнароднага культурнага і адукацыйнага дыялогу. 

Нацыянальны мастацкі музей Рэспублікі Беларусь на працягу многіх гадоў супрацоўнічае з навучальнымі ўстановамі Кітайскай Народнай Рэспублікі. Сумесныя праекты, абмен прафесійным вопытам, знаёмства з мастацкімі традыцыямі і культурнай спадчынай абедзвюх краін спрыяюць умацаванню сяброўскіх сувязяў паміж Беларуссю і Кітаем. 

Упэўнены, што сустрэча адкрые новыя магчымасці для далейшага супрацоўніцтва, рэалізацыі адукацыйных і культурных ініцыятыў, а таксама ўзаемнага ўзбагачэння культур двух народаў.