«Мемарыяльны комплекс “Хатынь”. Гісторыя стварэння. Разбурэнне стэрэатыпаў» – лекцыя Галіны Леанідаўны Левінай, архітэктара, лаўрэата Дзяржаўнай прэміі Рэспублікі Беларусь, кіраўніка Творчай майстэрні Леаніда Левіна (каля экспазіцыі выставы).
Экскурсія ў Творчую майстэрню Леаніда Левіна (непадалёк ад Плошчы Перамогі) для маладых супрацоўнікаў музея.
Творчая сустрэча з прадзюсарам фільма “Маналог. Леанід Левін” (2012) Юрыем Віктаравічам Ігрушам (ля экспазіцыі выставы).
Усе гэтыя сустрэчы былі прысвечаны гісторыі стварэння мемарыяльнага помніка, які аб’яднаў гісторыю, ландшафт, скульптуру, літаратуру, мастацтва графікі, адкрыўшы новыя гарызонты для мемарыялізацыі помнікаў памяці нявінных ахвяр вайны – ахвяр генацыду беларускага народа ў гады Вялікай Айчыннай вайны.
18 красавіка запланаваны выезд супрацоўнікаў музея ў Хатынь, наведванне музея і ўскладанне кветак у памяць аб сотнях “вогненных” вёсак Беларусі, тысячах загінуўшых у іх людзей.
На сустрэчах прысутнічалі маладыя супрацоўнікі музея, студэнты беларускіх ВНУ, слухачы ўніверсітэта “Трэці ўзрост”, наведвальнікі музея.
