Фотасправаздача. Сустрэча дырэктара Нацыянальнага мастацкага музея з супрацоўнікамі “Сбер Банка”

Нацыянальны мастацкі музей Рэспублікі Беларусь і Сбер Банк (Беларусь) прынялі рашэнні аб рэалізацыі культурнага праекта, накіраванага на папулярызацыю спадчыны музея сярод супрацоўнікаў і кліентаў банка. 

Праект адкрыла сустрэча Генеральнага дырэктара Нацыянальнага мастацкага музея Уладзіміра Іванавіча Пракапцова з кіраўніцтвам і супрацоўнікамі Сбера. 

Мерапрыемства прадугледжвала віртуальнае знаёмства з Нацыянальным мастацкім музеем, знаёмства з багатай спадчынай, якая захоўваецца ў фондах галоўнага музея краіны.

Пачатак пакладзены! Наступныя сустрэчы прадугледжваюць спецыялізаваны цыкл лекцый, экскурсіі ў музей і распрацоўку праграмы інфармацыйнай падтрымкі сумесных мерапрыемстваў у мастацкім музеі.