13 мая (субота) у Мастацкім музеі пройдзе інтэрактыўны квэст у гонар Міжнароднага дня сям’і.
Мы прапануем адправіцца ў займальнае падарожжа па музейных залах, дзе трэба будзе адгадваць загадкі, уключаць фантазію, шукаць адказы і проста весела бавіць час разам. У квэсце могуць прыняць удзел сем’і з дзецьмі. Заданні будуць разнастайныя і падыдуць для рознага узросту.
Квэст пройдзе двойчы на працягу дня: першы старт адбудзецца а 12-й гадзіне, другі – а 16-й.
Заданні квэста падрыхтавалі вучні ДУА “Сярэдняя школа №1 в. Копішча”.
Наведаць музей і прыняць удзел у квэсце можна па ўваходным білеце ў галоўны корпус Мастацкага.
Папярэдняя рэгістрацыя не патрабуецца.
