21 верасня ў Мастацкім музеі адбыўся фінісаж выставы аднаго шэдэўра Марка Шагала “Прагулка”! Свята стала яркім развітаннем з карцінай.
Дзякуем кожнаму, хто стаў часткай значнай падзеі, – генеральнаму партнёру праекта Сбер Банк, брэнду Kiko Richen і Нацыянальнай школе прыгажосці.
За асаблівы творчы ўклад у ажыццяўленне незабыўнага арт-перформансу “Сукенка для Бэлы” дзякуем мастакам Віктару Альшэўскаму, Васілю Зянько, Ганне Плотнікавай, Міхаілу Дайлідаву, Валерыю Каплану, Ангеліне Вашчанка, Аляксею Кесэлю, а таксама кампазітару Ігару Камару.
За неверагодную атмасферу вечарыны дзякуем вядучаму Дзмітрыю Церахаву і музыкантам Дар’і Брухновай (фартэпіяна) і Анастасіі Гаўрыленка (скрыпка).
Дзякуем усім, хто на працягу апошніх сямі месяцаў наведаў Мастацкі музей, каб сустрэцца з шэдэўрам. Чакайце яшчэ больш унікальных праектаў з Дзяржаўным Рускім музеем у будучыні. Да новых сустрэч з шэдэўрамі ў Мастацкім!
