Выстава “Страты і вяртанні. Лёс мастацкіх каштоўнасцей Дзяржаўнай карціннай галерэі. 1939–1957” прадоўжана да 2 сакавіка 2025 года.
Нам вельмі прыемна, што выстава выклікае такую цікавасць у наведвальнікаў, таму дзелімся з вамі "закуліссем" нашай працы.
На жаль, даваенная інвентарная кніга Карціннай галерэі была страчана ў гады Другой сусветнай вайны. І толькі некаторыя карціны і графічныя работы, вернутыя "з нямецкага палону", захавалі штамп галерэі 1939–1941 гг.
Мы зрабілі копію даваеннага штампа Карціннай галерэі і адзначылі тыя нешматлікія працы, якія дакладна былі ў даваенным зборы, паставіўшы на этыкетках захаваны нумар. Такім чынам, гэтыя "карціны-ветэраны" можна пазнаць сярод мноства твораў на выставе.
