У рамках урачыстага мерапрыемства з прывітальным словам да гасцей і супрацоўнікаў звярнулася генеральны дырэктар Мастацкага музея Рэспублікі Беларусь Ірына Мацяс.
Сярод ганаровых гасцей у зале прысутнічалі: праўнучка першага дырэктара Дзяржаўнай карціннай галерэі БССР Мікалая Міхалапа Анастасія Скеп’ян, дачка легендарнага дырэктара Алены Аладавай Радаслава Аладава, сын дырэктара Дзяржаўнага мастацкага музея БССР Юрыя Карачуна Аляксандр Карачун, народны мастак Беларусі Іван Міско, ганаровы генеральны дырэктар музея Уладзімір Пракапцоў.
Супрацоўнікі, якія прапрацавалі многія гады ў музеі, былі адзначаны граматамі, падзякамі і памятнымі сувенірамі.
Вечарына прайшла ў цёплай атмасферы ўспамінаў. На памяць аб значным дні госці атрымалі ў падарунак календары з выявай архіўнага фотаздымка будынка музея 1957 года.
Спадзяемся, што такія мерапрыемствы стануць прыемнай традыцыяй!
