Мастацкі музей запрашае на канцэрт лаўрэатаў міжнародных конкурсаў – Алега Кнігі, Валерыі Шапавалавай і Алены Чэкір.
Вечар 23 красавіка абяцае быць асаблівым, бо залы музея напоўняцца жывой класікай. У праграме сабраны мелодыі, якія хочацца слухаць, заплюшчыўшы вочы: мазурка Міхаіла Глінкі, “Пакуты кахання” Фрыца Крэйслера, Арыя Ленскага Пятра Чайкоўскага, “Полька” Альфрэда Шнітке і многае іншае…
Прыемная магчымасць правесці вечар у адной прасторы з музыкантамі, чые імёны вядомыя далёка за межамі Беларусі. Камерная атмасфера, жывое гучанне і праграма, якая сапраўды вартая вашай увагі!
- 23 красавіка (чацвер), 18:00
- галоўны корпус (Леніна, 20), сяродкрыжжа
- уваход па білеце ў музей
