16 верасня 2024 г. у Нацыянальным мастацкім музеі Рэспублікі Беларусь адбудзецца круглы стол «Беларуская культура – аснова народнага адзінства», арганізаваны сумесна з Цэнтрам даследаванняў беларускай культуры, мовы і літаратуры Нацыянальнай акадэміі навук Беларусі і прымеркаваны да Дня народнага адзінства, які адзначаецца на дзяржаўным узроўні 17 верасня. Пачатак мерапрыемства а 11-й гадзіне.
На круглым стале свае даклады, прысвечаныя багаццю культурнай спадчыны, яе ўплыву на фарміраванне нацыянальнай ідэнтычнасці, гістарычнай памяці, пачуцця патрыятызму, прадставяць навуковыя супрацоўнікі Нацыянальнай акадэміі навук Беларусі і Нацыянальнага мастацкага музея Рэспублікі Беларусь.
Знакавай часткай праграмы стане выстава твораў народнага мастака РСФСР Мадорава Фёдара Аляксандравіча (1890 – 1967) – эскізаў да карціны «Народны сход у Заходняй Беларусі» (1940) з калекцыі Нацыянальнага мастацкага музея Рэспублікі Беларусь.
Сардэчна запрашаем!
