6 мая а 17-й гадзіне Музей “Дом Ваньковічаў. Культура і мастацтва першай паловы ХІХ ст.” (філіял Нацыянальнага мастацкага музея Рэспублікі Беларусь) запрашае на лекцыю “Рэпрэзентацыя жаночых вобразаў у творчасці Валенція Ваньковіча”, якая пройдзе ў рамках праекта «Арт-лекторый “Роднага слова”» – сумеснай ініцыятывы навуковага і метадычнага часопіса “Роднае слова” і Нацыянальнага мастацкага музея Рэспублікі Беларусь.
На лекцыi будуць разгледжаны жаночыя вобразы сямейнага кола (маці, сястры, жонкі) В. Ваньковіча – беларускага жывапісца, майстра партрэта першай паловы XIX ст., які пакінуў след у айчыннай культуры і атрымаў прызнаннеза межамі сваёй Айчыны. Лекцыю правядзе магістр мастацтвазнаўства, малодшы навуковы супрацоўнік філіяла Наталля Родзiна.
6 мая 2026 г. а 17 гадзіне.
Адрас: вул. Інтэрнацыянальная, 33А
Кошт: навучэнцы – 11 р., дарослыя – 17 р.
Тэл. для даведак: (017) 358-88-78
