“Мы – выдатная пляцоўка для вашых шэдэўраў”, – генеральны дырэктар Нацыянальнага мастацкага музея Рэспублікі Беларусь Ірына Уладзіміраўна Мацяс.
1 кастрычніка ў Мастацкім музеі адбылося ўрачыстае адкрыццё часовай экспазіцыі “Мастацтва шаўковага шляху: душа рамяства, адлюстраванні над аблокамі. Кітайска-беларуская мастацкая выстава”.
“Мастацтва – гэта мост паміж сэрцамі, які пераадольвае моўныя бар’еры”, – саветнік па навуцы і тэхніцы пасольства Кітайскай Народнай Рэспублікі ў Беларусі спадар Ян Цзюнкэ.
Выставачны праект арганізаваны Мастацкім музеем сумесна з Кітайскім навукова-даследчым інстытутам народнага мастацтва і Цэнтрам культурнага і адукацыйнага абмену “Дуноў”.
“Часовая экспазіцыя сабрала шэдэўры кітайскай народнай творчасці. Кожны экспанат нясе ў сабе майстэрства і мудрасць кітайскіх рамеснікаў, паказваючы доўгую гісторыю і глыбокую спадчыну кітайскага народнага мастацтва”, – расказала пра міжкультурны праект генеральны дырэктар Цэнтра культурнага і адукацыйнага абмену “Дуноў” спадарыня Цуй Вэньцзэ.
Дзякуем выканаўцам Вану Хуньяну, Вану Бо і Шэнь Сыцзя за цудоўныя музычныя нумары, якія ўпрыгожылі ўрачыстую падзею!
