З прывітальным словам на цырымоніі выступілі Міністр культуры Рэспублікі Беларусь Анатоль Мечыслававіч Маркевіч і генеральны дырэктар Нацыянальнага мастацкага музея Рэспублікі Беларусь Ганна Уладзіміраўна Конанава. З пачуццём глыбокай удзячнасці за набыццё музеем каштоўнага экспаната музейнага значэння А. У. Конанава перадала А. М. Маркевічу падзячны ліст у адрас Прэзідэнта Рэспублікі Беларусь Аляксандра Рыгоравіча Лукашэнкі.
Сімвалічная скульптурная кампазіцыя была паднесена ў дар Аляксандру Рыгоравічу ў адной з замежных камандзіровак.
У калекцыі музея скульптурная група стане першым творам Джорджа дэ Кірыка і дазволіць пашырыць межы калекцыі еўрапейскага мастацтва музея.
Скульптура “Археолагі” зойме годнае месца ў пастаяннай экспазіцыі і будзе даступна ўсім наведвальнікам Нацыянальнага мастацкага музея Рэспублікі Беларусь.
У працяг святочнай падзеі адбылося адкрыццё рэтраспектыўнай выставы дыпломных работ Беларускай дзяржаўнай акадэміі мастацтваў “Школа творчасці”.
З прывітальным словам выступілі генеральны дырэктар Нацыянальнага мастацкага музея Рэспублікі Беларусь Ганна Уладзіміраўна Конанава, рэктар Беларускай дзяржаўнай акадэміі мастацтваў Міхаіл Рыгоравіч Баразна і народны мастак Беларусі, скульптар Іван Якімавіч Міско.
На рэтраспектыўнай выставе прадстаўлены дыпломныя работы, выкананыя больш як за 60 гадоў работы акадэміі – з 1959 па 2023 год. Такім чынам, праект дае магчымасць пазнаёміцца з творчымі пошукамі выпускнікоў акадэміі розных гадоў, прасачыць этапы развіцця стылістычных асаблівасцей айчыннага мастацтва – ад традыцыйных форм, метадаў і канцэпцый да сучасных.
Музычным упрыгожаннем мерапрыемства сталі выступленні інструментальнага квартэта выкладчыкаў Беларускай дзяржаўнай акадэміі музыкі, а таксама студэнтаў-вакалістаў Берднікава Ільі і Гарбачонак Валерыі.
Работа выставы працягнецца да 17 снежня.
