Урачыстая цырымонія падпісання Пагаднення аб супрацоўніцтве

8 чэрвеня 2022 года ў рамках Дзён культуры Рэспублікі Мардовія ў Беларусі адбылася ўрачыстая цырымонія падпісання Пагаднення аб супрацоўніцтве паміж установай “Нацыянальны мастацкі музей Рэспублікі Беларусь” і дзяржаўнай бюджэтнай установай культуры “Мардоўскі рэспубліканскі музей выяўленчых мастацтваў імя С.Д. Эрзі”.

Падчас сустрэчы генеральным дырэктарам Нацыянальнага мастацкага музея Рэспублікі Беларусь Пракапцовым Уладзімірам Іванавічам і дырэктарам Мардоўскага рэспубліканскага музея выяўленчых мастацтваў імя С.Д. Эрзі, старшынёй Саюза мастакоў Мардовіі Нарбекавай Людмілай Мікалаеўнай абмяркоўваліся пытанні правядзення абменных выставачных праектаў і развіцця супрацоўніцтва паміж творчымі саюзамі Беларусі і Мардовіі.