21 студзеня 2025 года ў Нацыянальным мастацкім музеі Рэспублікі Беларусь адбылася сустрэча Уладзіміра Валер'евіча Громава, народнага артыста Беларусі, даверанай асобы кандыдата ў Прэзідэнты Рэспублікі Беларусь Аляксандра Рыгоравіча Лукашэнкі з працоўным калектывам.
У ходзе размовы народны артыст закрануў многія аспекты развіцця дзяржавы на сучасным этапе і абазначыў устойлівыя пазіцыі Беларусі ў сельскай гаспадарцы, прамысловасці, сацыяльнай і культурнай палітыцы і іншых галінах.
Пасля завяршэння сустрэчы супрацоўнікі музея задавалі Уладзіміру Валер'евічу пытанні, якія іх цікавілі.
На пытанне аб тым, што для Уладзіміра Валер'евіча азначае быць патрыётам сваёй краіны, ён адказаў: "Любоў да сваёй краіны і жаданне зрабіць яе жыццё, а значыць сваё жыццё ў гэтай краіне, лепей, і перадаць яго дзецям". Народны артыст упэўнены, што "ўсеагульнае ўзаемапранікненне дабра – яно якраз і дазволіць жыць лепш, што называецца, жыць адзін для аднаго, гэта значыць краіна будзе для народа, краіна агульная".
Артыст з радасцю адказаў на пытанні, падзяліўся асабістымі прапановамі па ўдасканальванні працы ў сферы культуры і расказаў пра сваю адданасць музыцы і мастацтву ў цэлым.
Выдатным падарункам для калектыву музея стала душэўнае выкананне Уладзімірам Громавым песні "Жураўлі на Палессе ляцяць".
